الفنان السوري ياسر العظمة يوجه رسائل لغزة ومحتليها والعرب

الأردن العربي –  الخميس 26/10/2023 م …

وجه الفنان السوري ياسر العظمة نجم المسلسل الشهير الناقد مرايا، الخميس، رسائل لغزة ومحتليها والعرب “المتخاذلين” عن نصرتها.
جاء ذلك في رسالة مصورة نشرها العظمة عبر منصة إكس، بأسلوبه المعتاد ولهجته الشامية منتقًا الخذلان العربي للقضية الفلسطينية.
قال العظمة: “منقعد نحن العرب منحكي ومنتسلى ومنثرثر بالسياسة والاقتصاد والتربية وكل شي، وبيتضحلنا أن البلد رح تطير من بين أيدينا ونحن عم نقول لنشوف شو رح يصير”.
وأضاف “بحذرونا من زلزال قادم أو عاصفة هوجاء أو فيضان أو طوفان ونحن عم ننتظر ونقول: لنشوف شو رح يصير”.
وأردف : “بقولولنا رح نساوي شرق أوسط جديد بقولوها علناً بيدحشوا تمهم بآذاننا وبيصرخوا: رح نساوي شرق أوسط جديد.. نحن منفتح تمنا ومنرخي حنكنا ومنقول: لنشوف شو رح يصير”.

وعبر عن تضامنه مع غزة والقضية الفلسطينية وذكر في إحدى فيديوهاته عن سكان غزة: “أنتم في القلب والعين”.
:وقال “أهالي غزّة الصامدين في أرض فلسطين لايعرف الوجع إلا من ذاق آلامه .. ولا قسوة التشرد إلا من هجّر عن وطنه”.
وأضاف “لوعة الفقد إلا من خسر ذويه .. من سوريا وشعبها الذي يشاطركم أحزانكم ومآسيكم”.
وفي رسالة لشعب غزة قال: “كل دعم وتعاطف وإكبار أنتم في القلب والعين أهلنا في غزة” وللاحتلال: “للعدو الصهيوني الأحمق المذلّة والخسران”.
رسائل للعرب المتخاذلين عن نصرة غزة
ومن أبرز ما ذكره الفنان السوري ياسر العظمة عن إسرائيل والدول الداعمة لها التي تسببت بمأساة فلسطين وغزة باللهجة الشامية: بقولونا رح نعمل صومال جديدة ببلادكم رح نسعى لإيجاد فوضى خلاقة ونحن عم نقول: ايه لنشوف شو رح يصير.
بهددونا بتقسيم بلادنا بقلولنا النا ها مو لغيرنا جهاراً نهاراً بالصحافة والإعلام المرئي والمقروء والمسموع والأقمار الصناعية وجميع وسائل الإعلام رح نساوي كذا وكذا
بشرحوا خططهم السرية دون تحفظ ولا مواربة ولا خجل بقلهم رح يخربوا ويدمروا ويقتلوا ويفجروا ويسرقوا وينهبوا ويزعزعوا الاستقرار ونحن منقول: ايه لنشوف شو رح يصير.
وختم العظمة حديثه في الفيديو بالقول بسخرية: “مارح يصير أكتر مما صار فات الدب للكرم بمعرفة منا وبعلم وأنتو بتعرفوا بقية الفيلم وإنا لله وإنا إليه راجعون”.